Mahad Mahamud við störf sín á Ullevål sjúkrahúsinu í Ósló. (Mynd frá www.klassekampen.no)

Umsókn líftæknifræðingsins Mahad Abib Mahamud um stöðu flóttamanns á Íslandi hefur verið hafnað vegna þess að hann hefur áður sótt um stöðu flóttamanns í öðru Evrópuríki. Hann fær því ekki hæli á Íslandi sem flóttamaður.

Á grundvelli Dyflinnar reglugerðarinnar verður hann sendur af íslenskum yfirvöldum aftur til Noregs þar sem hann sótti fyrst um stöðu flóttamans árið 2000.

Mahad var á leið til Kanada í október 2017 en var stöðvaður við landamæraeftirlit í Flugstöð Leifs Eiríkssonar er hann millilenti þar.

Hann var í fyrra sviptur ríkisborgararétti í Noregi fyrir að gefa upp rangt föðurland á flóttamannaumsókn sinni er hann nam þar land árið 2000, þá 14 ára gamall.

Norsk innflytjendayfirvöld vildu meina að Mahad væri frá Djibouti en ekki Sómalíu eins og hann fullyrti þegar hann kom til Noregs. Honum var því vísað úr landi eftir 17 ára búsetu í Noregi og missti því ríkisborgararétt sinn, starfið á Ullevål sjúkrahúsinu og húsið, allt í einum vettvangi.

Mahad stefndi norska ríkinu og tapaði því máli í héraðsdómi Óslóar þann 13. mars 2017 en hefur áfrýjað til hæstaréttar og fellur dómur þar í málin hans á þessu ári. Áfrýjunin frestaði þó ekki brottvísun hans frá Noregi.

Að sögn Mahad var honum bent á það í október 2017 af landamæraeftirliti á Keflavíkurflugvelli, þegar hann var stoppaður, að hann gæti sótt um stöðu flóttamanns. Það hefur hann nú gert. Mahad hitti fulltrúa útlendingastofnunar á Íslandi a mánudag og hefur nú verið komið í gistingu hjá Rauða krossinum meðan mál hans er tekið fyrir.

Sjá einnig LÍFEINDAVERKFRÆÐINGURINN MAHAD ABIB MAHAMUD ER KOMINN TIL ÍSLANDS OG SÆKIR UM STÖÐU FLÓTTAMANNS

Aftonbladet greinir frá

Leave a comment.

Your email address will not be published. Required fields are marked*

This site uses Akismet to reduce spam. Learn how your comment data is processed.