Nú er hægt að panta íslenskt brennivín á netinu í vefverslun áfengisverslunar norska ríkisins Vinmonopolet.  

Finna má bæði íslenskt öl og brennt vín í vefversluninni.

 

Íslenskt brennivín

 

 

Eftir því sem best verður séð eru aðeins ein tegund og stærð af brennivíni komin í vefverslunina en það Brennivín frá Ólgerðinni í 70 Cl glerflösku.

 

Unnendur íslenskrar bruggunar ættu því að getað boðið upp á staup af íslensku ákavíti á aðventunni og yfir hátíðarnar sem fram undan eru.

 

Brennivín er íslenskt brennt vín bruggað úr gerjuðum kartöflum, líkt og vodki, og kryddaður með kúmeni.

 

 

 

 

Brennivín er stundum kallað „svarti dauði“. Brennivín er með 37,5% áfengisinnihald. Flöskurnar eru grænar með svörtum miða með hvítum eða silfruðum hring og nafninu yfir. Inni í hringnum stóð áður skammstöfunin ÁTVR en nú er þar útlínumynd af Íslandi. Tilgangurinn með svarta miðanum var upphaflega sá að gera flöskuna fráhrindandi. Lengst af hefur brennivín þótt vera vondur drykkur, bæði vegna mikils áfengisinnihalds og vegna þess að það var ódýrasta sterka vínið sem fékkst á Íslandi. Þetta orðspor hefur smám saman verið að breytast. Brennivín er nú oftast drukkið sem snafs en áður fyrr var algengt að drekka það blandað með vatni eða kóki.

Nafnið brennivín var áður notað um ýmis brennd vín sem danskir kaupmenn fluttu inn til landsins á tímum einokunarverslunarinnar og voru upphaflega brugguð úr rúgi. Þessi vín höfðu hátt áfengisinnihald þar sem þannig fékkst fyrir þau hærra verð miðað við magn sem gerði flutninginn hagkvæmari. Nafnið er notað í bæði Danmörku (brændevin) og Svíþjóð (brännvin) yfir ákavíti.

Brennivín var upphaflega framleitt af Áfengis- og tóbaksverslun ríkisins frá lokum áfengisbannsins 1. febrúar 1935 til 26. júní 1992 þegar Vífilfell tók við framleiðslunni. Það er nú framleitt af Ölgerðinni.

(Tekið af Wikipedia)

– Heimasíðu Vinmonopolet má finna hér

Leave a comment.

Your email address will not be published. Required fields are marked*

This site uses Akismet to reduce spam. Learn how your comment data is processed.